Über uns

Mir sind e jungs und früschs Unternähme us de Region Basel und bestönd us 6 engagierte Dame. Zämme designe mir trendigi und flotti Tragtäschene/Sägg wo mir au sälber bedrucke und vertriebe. Mir legge zu däm Wärt uff e nochhaltigi und fairi Produktion und wännd mit unse Täsche nid nur euch e Freud mache sondern au de Umwält öbis guets due.
Das Projekt isch im Rahme vom Company Programme vo yes Switzerland entstande, wo uns debi unterstützt ersti Erfahrige als Unternähmerinne z sammle.
Viele Dangg für euri saggstarki Unterstützig!

Bild vo Juri Junkov, 2021

Maxime Piesker

CEO​​​​​​​ - Chief Executive Officer
Mini Ufgobe bi saggstark als CEO sind sehr vielsiitig und ufregend. Ich han immer d Übersicht über die momentane Abläuf in unsem Unternähme. Das beinhalted au d Koordination und Kontrolle vo de verschiedene Abteilige, sowie au d Leitig vo strategische Meetings. E motivierts Team, sowie au e gueti interni Kommunikation ufzbaue liggt in minere Verantwortig. Ich freu mich als Ahsprächspartner vo saggstark für euch do z sie.
(Bild 2. vo rächts)

Santhiya Sureswaran
CAO - Chief Administrative Officer
Ich bi als CAO für d Administration zueständig. Bi mir laufe die ganze Fäde vo de Gschäftsberiich zämme. Mini Ufgobe ligge drin die ganze Termin z überwache sowie au d Redaktion vo de Gschäftsunterlage. Mis Ahliege isch, d Teammitglieder in ihrne Beriich z unterstütze und alli uf em gliiche Stand z bhalte. Als stellverträtendi Gschäftsfüehrig liggts an mir unse CEO bi Abwäseheite z repräsentiere.
(Bild 3. vo links)

Aline Ernst
CPO​​​​​​​ - Chief Product Officer

Do bi saggstark übernimm ich d Position vom CPO. Mini Ufgobe sind Qualitätskontrolle duurezführe, Make-or-Buy-Entscheidige z träffe und s Lager- und Beziehigsmanagement mit de Partner z leite. Zuesätzlich stand ich au mit em CFO äng in Kontakt, zum bi de Priiskalkulation mitzwirke.

(Bild 2. vo links)

Simona Beer
CFO - ​​​​​​​Chief Financial Officer
Ich bi do für die ganze Zahle zueständig. Als CFO sorg ich defür, dass d Finanzabteilig kontinuierlich lauft. Ich übernimm d Buechhaltig, bhalt alli Ihname und Usgobe im Aug und weiss jederziit, für was wie viel Gäld usgeh wird. Au d Personalverwaltig ghört zu mine Ufgobeberiich.
(Bild 3. vo rächts)

Suleika Grob
CMO - Chief Marketing Officer
Als CMO sorg ich defür, dass alli vier Marketing-Instrument (Produktpolitik, Distributionspolitik, Konditionepolitik und Kommunikationspolitik) mitenander so im Ihklang  stönd, dass d Bedürfnis vo unserne Kunde optimal abdeckt wärded. Mini Ufgobe stönd in enger Zämmearbet mit em CTO, will de IT-Beriich vo de Unternähmig au Teil vom Marketing-Mix isch
(Bild 1. vo links)
Hannah Zehntner
CTO​​​​​​​ - Chief Technology Officer
Zu mine Ufgobe als CTO ghört s Erstelle und Verwalte vo unsere Website, sowie d Kommunikation über d soziale Medie. Dodebi isch mir wichtig e einheitlichi und ahsprächendi Corperate Identity z schaffe. Wiiteri vo mine Ufgobe sind d Unterstützig und Koordination vo de ganze IT-Tätigkeite innerhalb vo unsem Unternähme.
(Bild 1. vo rächts)